Traffic
Lubientschas da carar
Ins pò pustar las lubientschas da carar cun en formular. L’ampustaziun è pussebla angal per possessouras e possessours d’edifezis abitabels e betg abitabels sen aclas e da parcellas agricolas. Igls formulars d’ampustaziun correspondents cattez sen chesta pagina d’internet sotvart aint igl download.
Auto da posta
Igl med da transport practic an Surses. Uraris retschevez tar Savognin turissem an Surses ni tar igls biros da posta.
Igl urari online cattez sot: www.postauto.ch
Bus Alpin
Igl Bus Alpin circulescha durant la staschung da stad dalla farmada da posta Sur e l'Alp Flex, la pale ota da muntada naziunala e "l'insla da scazi dalla varietad dallas spezias". Ultra da chegl è l'alp Flex en punct da partenza ideal per belas turas.
Costs per persunga e viadi: 10.– fr., unfants da 6 – 16 onns 5.– fr. ; cun la carta Ela 50% rabat.
Ulteriouras infurmaziuns ed urari: Bus alpin - Alp Flix
Veias da gôt
Len las suandontas veias da gôt po neir caro sainza lubientscha. Igls parcadis signalisos èn sottamess a taxas.
- Salouf - Munter
- Salouf - Cre digl Lai
- Tigignas - Radons
- Savognin - Plang la Curvanera
- Sur - Alp Flex, parcadi Vanastg